Gallaecia Petrea: historia ao vivo

O espectacular Museo de Galicia da Cidade da Cultura é o escenario dunha exposición na que tiven a honra de participar, un verdadeiro percorrido pola historia de Galicia a través da pedra: isto é Gallaecia Petrea. 

Guerreiros, columnas, capiteis, muíños, virxes, petróglifos, miliarios, aras, baixorrelevos, cistas, puntas de frecha e algunhas das obras máis relevantes dos escultores galegos de todos os tempos... centos de pezas dende hai 200 millóns de anos ata a actualidade, que dan unha idea da omnipresenza deste elemento totémico na paisaxe, na historia, na arte e no patrimonio desta terra.

Foi unha gozada formar parte dun equipo de traballo integrado por técnicos da Fundación, comisarios e expertos en diversos campos, Uqui Cebra, cun traballo excepcional na parte gráfica e de deseño, unha morea de profesionais volcados neste proxecto. Un traballo intenso, polo apretado dos prazos de execución, pero un auténtico pracer fotografar pezas que son verdadeiros tesouros. 

Unha experiencia gratísima e enriquecedora que quero compartir con vós e animarvos a coñecela en primeira persoa, iso si, previrvos que a visita ha de ser demorada para apreciar a magnitude da montaxe –para ver todas as salas preparade un día completo–. Tedes tempo, non se clausura ata finais de ano, e probablemente se prolongue. 

Nesta publicación amósovos unha pequena selección das pezas que me resultan máis atractivas, por diversas razóns, e algunhas vistas dos espazos. 

Déixovos co espectáculo de Gallaecia Petrea, non sen antes agradecerlles ás persoas que confiaron en min para tan magno proxecto.

Monte Pindo

Cabeza da Graña

Fusaiolas de Melide

Petróglifo Laxe das Picadas

Coro do Mestre Mateo. Maqueta

Penúltima cea. Manolo Paz

Puntas de frecha

Pesa de rede

Laudas gremiais de Noia

Fuste da Portada do Paraíso

Esvásticas de Santa Tegra

Estela de Victorinus

Cabeza de Armea

Clave de bóveda

Virxe da O

Capela do Pilar catedral de Santiago

Disco ornamental de Sabanle

Colar da mámoa da chousa nova

Pía de auga bieita

San Salvador de Lérez

Guerreiro celta

Vistas da exposición