O poder do diñeiro, a luxuria, a gula, os negocios escuros colocan os personaxes en situacións irónicas entre a vida e a morte nas que a eternidade remata por afirmarse como o máis duro castigo xudicial. Mentres, de fondo, a música do bombardino poñendo banda sonora a outra xoia, e xa van unhas cantas, que nos fai escachar, que engancha e emociona… poucas compañías como Sarabela Teatro para chegarnos ás entrañas e amosarnos como somos, dende o principio dos tempos.
