Viaxe ao mundo perdido

A nova exposición do Museo Centro Gaiás na que tiven o pracer de colaborar convida a aventurarse nunha das rexións máis salvaxes, inaccesibles e máxicas do planeta. “Orinoco. Viaxe a un mundo perdido” propón unha inmersión no Mundo Perdido, un lugar protexido e cálido no corazón da selva amazónica cun canto á natureza e un recoñecemento ás culturas tradicionais e á súa supervivencia respectuosa co contorno.

Esta mostra expositiva tamén establece un diálogo coa tradición fluvial galega cunha mostra etnográfica sobre a vida arredor dos ríos, amosando os nexos entre Galicia e Latinoamérica en canto á tradición da pesca e a navegación. É nesta parte onde participei eu fotografando paisaxes, canoas e barcas tradicionais, arquitecturas pesqueiras como os pescos, ou artes de pesca que son as protagonistas desta publicación, forman parte da cultura e a tradición da xente que conviviu e convive cos ríos galegos e ao meu entender posúen unha enorme beleza escultórica, compartida con moitas pezas de uso cotián.

Podedes visitala ata o xaneiro de 2014. Moi recomendable.
 

Nasoiro

Fisga

Tenaces

Ventela

Redote

Ratel

Manuxo de vides

Forcado

Nasa de anguías

Agullas anzós castrexos

Tesoiras

Garfo

Masoura

Pesas castrexas

Nasas e cestos de troitas

Cestiño miñoqueiro

Agullas de redes